"Un'assembrea contra a su fascismu in Casteddu". S'avisu de su Colletivu Autónomu

(IlMinuto) – Casteddu, 9 de su mesi de gennàrgiu - "Uniri is personis chi funt in su territóriu in d-un'assembrea contra a su fascismu". Custu s'iscopu de s'atopu aprontau de su Colletivu Autónomu Casteddaiu in programma custu merì in Casteddu a is 21.00 in sa domu de s'assótziu Don Chisciotte, in bia Santu Giacu 117. S'avisu fatu connosci de su Colletivu Autónomu bolit fabricai unu caminu intre is diversas fortzas chi funt arrigheradas in su territóriu contra a su fascismu, cosa sémpiri prus apretosa "agoa de is acontéssias criminalis de Torinu (su fogu a su campu Rom) e Firenzi (morti de is duus senegalesus)". Su scritu de su Colletivu Autónomu denuntziat a sa preséntzia in su territóriu de partidus e assótzius de s'area de su fascismu nou o comentisiollat ratzista. "In Casteddu e ingíriu - pretzisat sa lamada contra a su fascismu - fueddaus de realidadis cometi 'Sardegna skinheads (caputerra-rac, area 28 […])', 'Casaggì', 'Forza Nuova (e su bratzu suu 'Lota Studentesca')".