"Prontus a ocupai is comunus sardus". In Tramatza nascit sa "Consulta de is movimentus"

(IlMinuto) – Casteddu, 25 de su mesi de gennàrgiu - Ocupai is comunus sardus, blocai is portus cun is mercis in intrada in Sardigna e is arrafinerias, denuntziai is supermercaus arresponsàbilis de no bendi is prodotus sardus. Funt is obietivus printzipalis de sa "Consulta de is movimentus", nàscia ariseru in Tramatza e filla de un'acórdiu intre su Mps, su "Movimento Artigiani e Commercianti Liberi", is autotrasportadoris de "Sardegna in movimento", Irs, Sardigna Natzione Indipendentzia, su "Movimento Anti-Equitalia", su "Presidio di Viale Trento", is "Donne del Digiuno di Viale Trento" e is "Pratici". "Est netzessàriu - si ligit in d-una nota - a no fai aerrus e dannus a s'ecunumia nostra giai posta mali e a sa genti nostra, evitendi po su mamentu is blocus a is arrugas". Giai de custu mangianu una centina de personis chi faint parti de sa "Consulta de is movimentus" funt in Terranòa , innoi pichetant is portus. In su meridioni de sa Sardigna sa protesta de is aici naus "Forconi sardi" est lompia a sa segundu diri, cun blocus a is arrugas e arrallentamentus in su Surcis e acanta de Casteddu.