Iscola. Comitadu: "Is famílias sceberint sa língua sarda"

(IlMinuto) – Casteddu, 23 de su mesi de gennàrgiu - "Is famílias depint fiamenti pratigai su diritu de sceberai sa língua sarda po is próprius fillus in su mamentu de s'iscritzioni a sa primu classi, aici comenti faint giai po is línguas furesteras, aici comenti esr previdiu de sa lei statali 482/99 apitzus de is minorias linguìsticas". Est custa sa proposta de Comitadu pro sa Limba sarda po "afortiai su sardu e po fai in modu chi siat impitau sèmpiri de prus in família e in sa sotziedadi, prusatotu de is giòvanus e de is piciocus". "Creeus chi siat apretosu - pretzisat su Comitadu – chi sa língua sarda siat matéria de annestru e médiu po imparai totus is matérias assumancu in s'iscola de s'óbligu".