"Pichetu de su pópulu sardu": 19 diris in s'arburada Trentu po pediri s'apricu de s'artículu 51

(IlMinuto) – Casteddu, 24 de su mesi de totussantus - Sighit i est lompiu a 19 diris su pichetu fissu de su pópulu sardu in Casteddu, in sa pratza a faci de sa sedi de sa Regioni in s'arburada Trentu. Unu pichetu chi - si ligit in d-una nota - "nascit po donai a totu su pópulu sardu sa possibilidadi de s'uniri e de tzerriai a boxi arta ca sa SARDÍNNIA NO EST TERRA DE CONCHISTA e po otèniri s'apricu de s'artículu 51 de su Statutu de sa Regioni Sardìnnia". "Sa Consulta de su pópulu sardu - si ligit in d-una de Monighèe Pisanu, intre is féminas chi faint parti de su pichetu - est diventendu unu furriadroxu. Genti meda s'acostat […]. Seus frabrichendi sa domu de su pópulu sardu pighendu cuscéntzia de is diritus nostrus e fadendi pigai atuamentu a unu pópulu traballadori e onestu, chi at tentu scéti su tempus po traballai e pagai su prétziu malu de sa colonizatzioni".