Acuntéssia Bellomonte: “Sighit s’acanarjada contra a is comunistas e a is indipendentistas”. Obertas is adesionis a su sit in de sàbudu

(IlMinuto) – Casteddu, 14 de su mesi de totussantus - Sa dimanda de su pm de cundennai a Bruno Bellomonte a 10 annus e 7 mesis cun s'acusa de ai pigau parti a fai torrai a nasci, forsis, is Br no fait scatulai a Antonello Tiddia, boxi de su Comitau traballadoris pro Bellomonte. Su Comitau at difatis aprontau unu sit in de solidariedadi cun su ferruvieri indipendentista e comunista de aMpI, in galera de 29 mesis. S'atopu est po is 10.00 de sàbudu 19 de su mesi de totussantus, a faci de su Tribunali de Casteddu."S'istória - scririt Tiddia cumentendi sa pregunta de cundenna a Bellomonte - s'arrepitit. Su stadu e is fortzas de s'òrdini, cun s'arreghèscia de sa lota armada (Br noas) […] sighint a cracaxai e a stresiai is comunistas, is indipendentistas, is arrevolutzionàrius e su traballu insoru […]. Custa inchiesta fait àcua de dónnia parti". "Chini bolit adiriri a su sit-in pro Bruno Bellomonte – scririt Tiddia - ddu podit fai comenti partidu, assótziu, comitau o tziadinu mimbiendi una email a: antonio.tiddia@ alice.it".