Coldiretti: "Pastoris obrigaus a 'donai in prenda' su lati"

(IlMinuto) – Casteddu, 29 de su mesi de cabudanni - "Fai unu prétziu de su lati capatzu de assigurai su tempus benidori a is impresas de is pastoris". Cun custu obietivu Coldiretti Sardìnnia at pediu a s'assessori regionali a sa Messarítzia, Oscar Cherchi, de avisai in pagu tempus una mesa de su cumpartu de sa pastoria. "Is impresas de is pastoris no podint prus abetai - scririt su presidenti de Coldiretti Sardìnnia, Marco Scalas - teneus s'abisóngiu de programai s'incaminada de sa campannia tenendi una tzerta seguresa". Su lati sighit a essi pagau a pagu prus de 60 tzentésimus a su litru. E s'apretu no est acabau. "Dónnia diri - pretziasat su diretori de s'organizatzioni, Luca Saba - arriceus sceda de pastoris chi po abisóngiu funt 'donendi in prenda' su própriu lati acuntentendusì de 'caparras' po podi afrontai is ispesas".