Apuntamentus: in Baradìle "Sul filo del gusto"

(IlMinuto) – Casteddu, 12 de su mes'e argiolas - Una diri ispeciali, cussa domínigu de su 17 de su mes'e argiolas in Baradìle. At essi difatis una diri chi afestat su gustu, una diri chi bit su gustu comenti protagonista de un'eventu chi s'at a movi tra is cosas de papai bellas e is isfiladas de moda.

Un'apuntamentu dópiu: cussu cun sa XIV sagra de is cruguxonis e cun sa V editzioni de sa rassegna de s'arti de is maistus de pannu sardus. Sa manifestada, aprontada de su Comunu de Baradìle cun s'agiudu de sa Provìntzia de Aristanis e de su Cunsórtziu "Due Giare", s'at a tenni in su centru istóricu de bidda. S'at a cumentzai a su merì impari a duus chef mannus, Cristiano Andreini e Stefano Deidda, chi ant propòniri a sa genti is arretzetas insoru de is cruguxonis, e, si ligit in d-una nota - "de frimmada in frimmada, in dónnia pratza de sa bidda ddoi ant essi atastus fattus a sorpresa". Totu custu at essi cumpletau de unu cuncursu gastronomicu obertu a chini est su mestieri e a chini est scéti un'amanti de sa coxina (info su www.sulfilodelgusto.it). Is arretzetas o is cundimentus prus bellus de is cruguxonis ant essi postus in d-unu líburu.

A is 22.00 at a tocai a sa rassegna de s'arti de is maistus de pannu sardus: Protagonistas de importu mannu ant essi is bistiris fattus de su stilista Adelino Cabras e de àterus atelier.