Universidadi de Tàtari. Su Majolu: "50 firmas po aprontai unu cursu de sardu"

(IlMinuto) – Casteddu, 20 de su mes'e làmpadas - Aprontai unu cursu de sardu fadendu domandha po is finantziamentus de is fainas culturalis de s'Universidadi de Tàtari po su 2012. Cun custu obietivu Su Majolu cumbidat a is istudiantis iscritus in s'Anteneu turritanu a acotzai su progetu cun d- una firma. "Si serbint 50 firmas - acrarant is aprontadoris - de depositai a s'Ufítziu afaris gerneralis, in pratza Universidadi 21, a su primu pianu, chi s'agatat a su costau de su retorau. Is firmas podint essi arregortas fintzas a su 30 de su mes'e Làmpadas a is 13.00. S'Ufítziu est obertu de su lúnis a su cenàbara de is 9.00 a is 13.30. Est possíbili firmai puru a su meigama pedendu su praxeri a su númeru 079 229964". Su grupu de is istudiantis de Su Majolu proponit unu cursu in língua sarda dividiu in cuatru unidadis chi si sboddiant in letzionis. "Dógnia unidadi - si ligit in d-una nota - at essi donada a un'espertu de língua sarda e, totus is letzionis s'ant a tenni in sardu, […] cun s'aficàntzia chi su sardu bengat introdusiu in totu sa vida púbblica".