Referendum: Casteddu in pratza po nai cuatru eja

(IlMinuto) – Casteddu, 10 de su mes'e làmpadas - S'at a serrai custumerì cun d-una manifestada in pratza de su Cramu in Casteddu sa campagna po s'eja a is cuatru refendum asuba de su serbítziu ídricu, asuba de su nucleari e asuba de su "legittimo impedimento". Sa cosa - aprontada de is Cumitaus "Acqua bene comune", de su Cumitau Sinonucle e de is movimentus de basi - at a cumentzai a is 18.00 cun ispetàculus de istrada, giogus, ballus e música.

"A is 20.00 - si ligit in d-una nota - ant arribbai in pratza de su Cramu is corteus tucaus de pratza Santu Miali e de pratza Santu Giuanni XXIII, aundi s'at a tenni s'ispetàculu de serradura, po custu ant a sonai su grupu de Neoneli, is Ratapignata, is Alma mediterranea e Mario Massa". Po is 4 eja s'est arringherau puru su consilleri regionali indipendentista Claudia Zuncheddu. "Est unu doveri - scririt Zuncheddu - votai eja a is 4 referendum de su 12 e 13 de su mes'e Làmpadas po arremaciai ca s'àcua est unu beni de totus i est acapiada a sa vida,  e po custu depit essi gestia pubblicamenti e in modu craru de sa comunidadi; chi su sceberu de su nucleari, chi su pópulu sardu at giai arrefudau tre cidas fait cun su referendum consultivu, est mala meda, no fait beni a s'ecunumia e fait mali a sa saludi i a sa seguresa de is citadinus e de s'ambienti, chi a fac'e sa Lei seus totus agualis".