"Stop a s'impitu de sa basi de Deximu Mannu", su no de ProgRes a trisinai sa Sardigna in sa gherra

(IlMinuto) – Casteddu, 24 de su mes''e martzu - "Sa Sardigna no est in gherra". Cun custus fueddus su movimentu indipendentista ProgRes narat de no a trisinai a s'Ísula in s'operatzioni "Odissea all’alba". "Progetu Repùblica – si legit in d-una nota de imprenta - arremaciat su principiu de no violéntzia chi est su fundamentu de s'atzioni política sua. Arrefudat s'impitu de is fortzas armadas po disciniri una brufida internatzionali e s'impitu de is basis militaris italianas in su territóriu natzionali sardu in sa gherra chi est bivendi su Mediterraneu". De diversas diris, difatis, de sa basi aérea "Giovanni Farina" de Deximu Mannu tucant is aéreus spagnolus abbia de sa Libia.