Cuncursu internatzionali de progetatzioni: atóbiu e mostra in su centru Intermodali de Aristanis

(IlMinuto) – Casteddu, 18 de su mes''e martzu - "centroINTERMODALEoristano - Incontro&Mostra": est custu su títulu de s'eventu aprontau de sa Provìntzia de Aristanis, Cumpartu Pianificatzioni Territoriali e programmatzioni, in custa diri su púbblicu at a podi ammirai is progetus chi ant participau a su Cuncursu Internatzionali de progetatzioni de su Centru Intermodali passigeris e istazioni de interscàmbiu de Aristanis, promòviu in su contestu de su programma Calidadi Itàlia - Sensus Contempontaraneus de su Ministeru de is Benis e de is Atividadis Culturalis. Sa diri de s'"Atóbiu", previdia po mércuis 23 de su mes''e martzu in is aposentus de s'Hospitali Sancti Antoni, amministradoris e ténnicus de su Ministeru, de sa Provìntzia e de su Comunu de Aristanis ant a discuti impari a is progetistas s'istrutura strategica noa po torrai a organitzai sa mobilidadi provintziali. Sa mostra s'at a podi bisitai invecis giai de su 18 de su mes''e martzu, sèmpiri in is aposentus de s'Hospitali Sancti Antoni, e at a essi oberta totus is diris, fintzas a sa diri de s'"Atóbiu" de is 10.00 a is 13.00 e de is 16.00 a is 18.30 cun intrada a gratis.