In Aristanis e in Macumère caminus didàticus po "Torrai-a-animai a su ligimentu"

(IlMinuto) – Casteddu, 10 de su mes''e martzu - Is centrus de is Serbítzius Culturalis de Macumère e de Aristanis ant aprontau una fiberas de atóbius a gratis cun s'iscopu de "Torrai-a-animai a su ligimentu": unu caminu de didàtica de giogu asuba de s'animatzioni de su ligimentu fattus de Carlo Carzan. Custus atóbius bolint - si ligit in d-una nota - "fai impitai a is istrumentus de giogu po acostai is piciocus e po aprontai atividadis de animatzioni a su ligimentu". Dógnia caminu s'at a isvilupai in duus merì e dógnia sedi at a tenni unu tema de traballu diversu. In Macumère su cursu s'at tenni lùnis 14 e martis 15 de su mes''e martzu e at a tenni comenti tema "La Fantastica, l’arte d’inventare storie e il sorriso nei libri per ragazzi". In Aristanis funt programmaus po is diris de mércuris 16 e cenàbara 18 de su mes''e marztu e ant a tenni comenti argumentu "Le Fiabe, giochi e idee per un incontro di culture". Po pigai prus informatzionis telefonai a is númerus: 0785 71164 (Macumère) o 0783 211656 (Aristanis).