Sa protesta in pratza Afari: "su lati no est una merci comenti un'àtera

(IlMinuto) – Casteddu, 25 de su mes''e fiàrgiu - Is pastoris sardus in su coru de su capitalismu italianu. Custu mangianu funt pagu prus 200 is allevadoris de su "Movimento Pastori Sardi" arribbaus in Milanu po protestai in pratza Afari, aundi ddoi est sa sedi de sa Borsa. "Eus sceberau de manifestai in custu logu - at nau a s'imprenta Felice Floris - poita no si podit bendi su prodotu agricolu comenti si fessat unu calisisiat prodotu industriali". Su coru de sa chistioni abarrat sèmpiri su prétziu de su lati. Is 60-65 centésimus a su litru pagaus a is pastoris - denunciat Mps - non bastant nemmancu a is ispesas chi teneus. Ma su Movimentu no si frimmat. A pustis de sa "scicuta" in su portu de Civitavecchia acontéssia su 28 de su mes''e paschixèdda passau - chi est costada a is pastoris puru tres dinúntzias e sanzionis - Mps sceberat de sighiri a manifestai in sa penísula. Su 2 de su mes''e martzu at essi in Roma in ocasioni de s'udiéntzia cun su Papa.