Dominarius didàticus: cumentzat su cursu po is operadoris aprontau de s'Agentzia Laore

(IlMinuto) - Casteddu 7 de su mes''e fiàrgiu - 21 diri de imparu po unu totali, cun is esamis finalis, de 90 oras. Est custa sa fórmula chi s'Agentzia Laore Sardigna - Serbítziu multifuntzionalidadi de s'impresa agrària de sa biodiversidadi, presentat unu cursu de imparu po operadoris de dominarius didàticus. Su cursu chi s'at a tenni in Abbasànta, at a durai de su 16 de su mes''e fiàrgiu a su 12 de su mes''e maju de su 2011. S'intentu de s'atividadi de imparu - si ligit in d-una nota - est "donai a is participantis sa cumpeténtzia necessària po cumetzai a svilupai in s'aziendha agrària serbítzius educativus e didàticus, chi pertocat a connoscéntzias specificas de sa cultura de is campus in Sardigna". S'intrada a su cursu est po 25 participantis titularis, sócius, dipendentis o agiudantis de is aziendhas agràrias chi faint capu a coltivadoris diretus o de un'arrendadori agrìcolu professionali. Po participai a su cursu est necessàriu mandai sa dimandha de sceberu intru e no prus a tradu de su 10 de su mes''e fiàrgiu de su 2011 a s'indiritzu: Agentzia Laore Sardigna - Isportellu Unicu Territoriali Area de su Guilcer Barigadu, bia A. De Gasperi 13, 09074 Ilàrtzi.