Sanidadi. Usb atobiat Cappellacci: "Pigai is oss in graduatória. Stop a is agentzias interinalis"

(IlMinuto) – Casteddu, 5 de su mes''e gennàrgiu - Sa chistioni de is operadoris sóciu sanitàrius bincidoris de cuncursus regularis remplasaus de su personali inditau de is agentzias interinalis arribbat asuba de sa mesa de su presidenti de sa Regioni. Ariseru a mangianu una delegazioni de su sindacau de basi Usb e de su Cumitau artículu 97 at difatis atobiau, in sa sedi casteddaia de Villa Devoto, Ugo Cappellacci e s'assessori regionali de sa Sanidadi, Antonello Liori. Su rapresentanti de s'Usb at presentau a is rapresentantis de sa Giunta is dimandas de is Oss. "Ancora una borta - si ligit in d'una nota sindacali - eus arremaciau s'arrealia a s'impitu de su traballu interinali in d'una manera chi est foras de contu, bias is graduatórias. S'impitu de is interinali no arrespetat a is leis e, biu su costu prus mannu, puru a sa sabidoria".