"MySQL 5.5 in pràtiga" in Pula s'allegat de su database de úrtima categoria

(IlMinuto) – Casteddu, 25 gennàrgiu - Apuntamentu de signai in s'almanaccu po is amantis de s'innovatzioni tecnologica. Gióbia chi benit de su mes''e gennàrgiu s'at a tenni in Pula, in su fàbbricu 2 de su Parcu tecnologicu de sa Sardigna, su seminàriu de Giuseppe Maxia "MySQL 5.5 in pratica, uso e scalabilità del database di ultima generazione". S'eventu at a donai a is participantis una bista auba de is novidadis de su database obertu prus nomenau de su mundu, su seminàriu esti stetiu aprontau de "Sardegna Ricerche" po is atividadis de sa retza comunitaria Enterprise Europe Network.