Istrutzioni. Is precàrius de Aristanis scrirint a s'Anci: "Is comunus nerant no a sa serradura de is iscolas"

(IlMinuto) – Casteddu, 10 de su mes''e gennàrgiu - Sa serradura de is iscolas in is medas centrixeddus de sa Sardigna e su dispàciu de is precàrius de s'Istrutzioni de mundu de su traballu. Ant essi custas is cusseguéntzias de s'apricu de su "Pranu de Irminorigamentu iscolasticu regionali" segundu is "línias guidas" aprovadas su 30 de su mes''e paschixèdda de sa Giunta regionali. Est cantu denunciat su Cordinamentu Precàrius de s'Iscola de Aristanis cun d'una lítera oberta mandada a su Presidenti regionali de s'Anci e de is Presidentis de s'Unioni de is Comunus de sa Provìntzia de Aristanis. Su "pranu de irminorigamentu" at a apricai sa lei 133 de su 2008. "Intru 60 diris - acrarat su Cordinamentu - is Provìntzias ant essi lamadas a fai cussu chi esti stetiu aprovau primu, determinendi aici sa serradura de medas iscolas in is centrixeddus sardus". Is precàrius de Aristanis faint insaras un'apellu a is Síndhigus, Giuntas e Consillus comunalis poita no ammollint a "compromissu contrariu" e  poita lassint "is pensus insoru interessaus e sbuidus". "Naraus a - si ligit in sa lítera - is Giuntas e is Consillus comunalis a sensibilizai a sa genti cun assembreas púbblicas, consillus comunalis cun odg specificus" chi dimandant "s'arretiru de is tàglius".