Sa decarbonizatzione (cun su metanu) de sa Cgil

«S’abbandonu progressivu de sas fontes fòssiles pro sa produtzione de energia cheret fatu pro mèdiu de unu mix energèticu: s’idroelètricu, sas rinnovàbiles de impreu prus difusu, sa geotermia, sas biomassas, su metanu. E, in prospetiva, s’idrògenu». Est sa positzione chi sa Cgil nch’at giutu a sa mesa in contu de pianu energèticu e ambientale regionale (Pears) cun sa presidente Todde e s’assessore Cani. «Sa transitzione cheret sustenìbile non dae unu puntu de vista ambientale ebbia ma fintzas sotziale. Como est tempus de guvernare sa transitzione de su modellu produtivu e de isvilupu in Sardigna conca a sos obietivos de sa sustenibilidade e de sa decarbonizatzione».