“Imparai a fueddai su sardu: unu diritu umanu negau”. Lítera de su Comitadu a su Dipartimentu de Istadu Usa

(IlMinuto) – Casteddu, 3 de su mes''e gennàrgiu - Sa língua sarda est a arriscu de estinzioni. Ddu denunciat su Comitadu pro sa limba sarda in d'una lítera mandada a su sotosegretàriu de istadu po sa democratzia e is afaris generalis de is Usa Maria Otero. "Su Comitadu - si ligit in su documentu - Dd'isciririt po denunciai a sa violazioni de parti de su stadu italianu de is diritus umanus de custa comunidadi biu chi sa língua est bogada de s'imparamentu in is iscolas [...] e est a arriscu de estinzioni". Cun sa lítera a su Dipartimentu de Istadu Usa, cant'e pari a su Ministeru de is Esterus italianu, su Comitadu sighit sa batalla internatzionali po sa difesa de sa língua sarda, cumentzada calencuna cida fait cun d'una denúntzia a is Natzionis Unias. "Sa língua sarda - ammentat sa lítera - est reconota a livellu internatzionali comenti língua própria de is sardus e língua tetelada de s'artículu 6 de sa Costitutzioni italiana, de sa lei statali de atuazioni n° 482 asuba de is línguas de minoria e de sa lei regionali sarda n° 26, no benit imparada in is iscolas, est bogada de is "media" púbblicus e privaus e arriscat, nonostanti siat fueddada e amada de sa majoria de is sardus, de morri in is annus chi benint". Su Comitadu dimandat duncas chi su Dipartimentu de Istadu insertàt sa chistioni de sa língua sarda in su Relatu Diritus Umanus 2010 e casumai - precisat sa lítera - "fatzat totus is passus e is atus necessàrius chi pensat siant oportunus po assegurai a is sardus s'impitu [...] de sa língua sarda [...] e s'imparamentu suu in is iscolas a cumentzai de s'iscola elementari, comenti diritu umanu prioritariu chi oi s'esti stetiu negau".