“Fuedhai e iscriri in sardu”. Cumentzat su cursu online de língua sarda

(IlMinuto) – Casteddu, 13 de su mes''e gennàrgiu - Su Cunsórtziu interuniversitàriu po s'Universidadi Telematica de sa Sardigna fait connosci ca po su progetu "Isportellu linguisticu sardu", finatziau cun su dinai de sa lei n. 482 de 1999, in matéria de tutela de is minorias linguisticas istoricas, torrat a pigai in su mesi de fiàrgiu de su 2011 su cursu de basi de língua sarda "Fuedhai e iscriri". Su cursu at essi online e a gratis e tenit comenti obbietivu promovi sa connoscéntzia de sa língua sarda, avalorendi s'impitu suu in campu amministrativu. Su cursu at essi aprontau in 12 videoletzionis de 60 minutus s'una, test de giudítziu fatus de is scientis a cussus 'e totu , documentus e forum de dibbatidu online carrigàus in piattaforma. A fin''e cursu, in Casteddu s'at a tenni un'esàminu a praximentu, a pustis de custu a essi lassau un'atestau de méritu. Po àteras novas telefonai a su númeru 070/6757455 o iscriri un'email a s'indiritzu: sarachessa@amm.unica.it