Atentau abbruxadòri a s’assótziu Don Chisciotte. Murgia: “No at essi unu foghixeddu a si firmai”

(IlMinuto) – Casteddu, 23 de su mes''e paschixèdda - "No s'eus a firmai: chi custu ddu scipiant totus. Cunsideraus una medàglia asuba de su petus nostru, cantu est acontéssiu in su noti". Aici su presidenti de s'Assótziu culturali Don Chisciotte, Matteo Murgia, at cummentau s'atentau abbruxadori fattu cun càlculu chi in su noti a is cuatru at corpiu a sa sedi de bia San Giacomo, in Casteddu.

Su fogu - postu cun cartoni e lícuidu chi alluit - esti stetiu po fortuna signalau de unu citadinu a pagus minutus de s'iscópiu de su fogu, permitendu un'interventu apretosu de is Pompieris. Is dannus a is istruturas e a is ammànius (un'impiantu audiu meda caru, duus personal computer e unu televisori abbruxaus) funt ancora de perificài, ma funt ingíriu a is 5 e is 10milla eurus. Po fortuna su fogu no at tocau is duas bòmbolas de gas de coxina impitadas de s'assótziu, si fessat acontéssiu custu su fogu e is fiammas iant ai possiu corpiri totu su palatzu (chi aghillit a s'assótziu in su pranu 'e bàsciu) ponendi in perígulu sa vida de unus cantu de personis. "Si podiat perificai una tragédia", at acrarau Murgia a is giornalistas in sa cuferéntzia de imprenta aghillia in is aposentus de su círculu Prc Togliatti in bia san Domenico. S'atentau at a podi blocai s'atividadi de s'assótziu Don chisciotte po calencunu mesi, ma s'atividadi at a sighiri.

"Eus a partiri - at acrarau su presidenti - cun d'una campagna de donatzioni po agiudai sa Don Chisciotte po sighiri a portai ainnantis s'atividadi in is annus chi benint. Is medas atestaus de solidariedadi chi seus arricendi in custas oras si donant s'intzídiu a sighiri".