Cuncursus: sa bitória de is Oss. Simeone (Asl8): “Bastàt cun is agentzias interinalis”

(IlMinuto) – Casteddu, 11 de su mes''e totussantus - Sighit e otèniri is primus arresurtaus sa lota de is Operadoris sóciu sanitarius intraus in graduatória a pustis de unu cuncursu púbblicu, ma fatuvatu remplasaus de su personali de is agentzias interinalis. Ariseru a mangianu una delegatzioni sindacali de s'Usb de is Oss - in presídiu a fac''e sa Asl de Casteddu in bia Piero Della Francesca – esti stetia arricia de su Cummissàriu estraordinàriu Emilio Simeone, chi s'est impignau a ponni fini a su traballu in afitu. "In su 2010 s'Atziendha - cunfirmat difatis una nota de imprenta de sa Asl 8 - at remplasau 70 (po unu totali de 86 presentis de is primus de s'annu) cuntratus interinalis cun is assuntzionis diretas a tempus indeterminau e a tempus determinau, impegnendusì intru pagu mesis a finiri totus is Oss cun cuntratu interinali". S'amministratzioni est immoi pighendi in esàmini a tous is Oss intraus in d'una graduatórià ancora vàlida". S'Atziendha - precisat sa nota - at pigau 46 personis a tempus indeterminau, po is postus giai previdius [...] candu s'est tentu su bandu de cuncursu, nd'at pigau àterus 60 a tempus determinau po remplasai própriu a is interinalis e est istudiendi cun is espertus de sa matéria sa possibbilidadi de pigai de sa graduatória de is idóneus po àteras assuntzionis a tempus determinau [...] senz''e fai atus amministrativus illegìtimus".