Sa Sardigna chi no est razzista calat in pratza. 700 in Casteddu po su Clandestino Day

(IlMinuto) – Casteddu, 27 de su mes''e cabudanni - Casteddu at nau ancora una borta no a su ratzismu. Funti stetias circa 700 is personis chi cenàbara ant pigau parti a su "Clandestino Day", sa manifestada promòvia de su giornali Carta.

Su corteu, partiu a is 18.30 de pratza Garibaldi, est passau po is bias Garibaldi e Manno e po su largu Carlo Felice po acabbai in pratza Darsena, in su portu de Casteddu, ade innui funti stetius ghetaus in mari meda e meda froris, po ammentai "is prus de 15milla personis chi ingunis ant agatau sa morti, candu cicant sa vida".

"Unu destinu - si ligit in d'una nota - comunu a medas personis, óminis e féminas chi ant agatau s'interru in su Mari Maediterraneu o chi spaciant a vida insoru in presonis senz''e torrada in is logus aundi benint arrestaus". Ant pigau parti a sa manifestada meda assótzius: de Mani Tese a Arc, da Amesty International a Save the Children. Ant fattu de culunna sonora de sa manifestada is tamburrus de unu grupu de piciocheddus senegalesus e sa cantilena de is Hare Khrisna .

Medas is facis de is militantis de is partidus de sinistra, chi perou (po disposta de is aprontadoris) ant depiu lassai in domu is símbulus e is bandhera.