"No t’arruoles! Ses Sardu": cumentzat sa campagna contra a s'arrolamentu de aMpI

(IlMinuto) – Casteddu, 7 de su mes''e cabudanni - "No t’arruoles! Ses Sardu": cun custus fueddus A manca pro s’Indipendentzia promovit sa campagna contra a s'arrolamentu de is giòvaus sardus in is fortzas armadas po ponni in guàrdia "su pópulu nostru de su perígulu de diventai un'arma de sa colonozatzioni". S'organizatzioni indipendentista e de sinistra precisat duus aspetus de su fenómenu: "su ricatu economicu", chi fait castiai a s'arrolamentu comenti a una de is pagus possibbilidadis de traballu (in d'una terra aundi su disimpreu de is giòvanus arribbat a su 44%), e a su "bantu de sa zenia" fundau - acrarat A Manca - asuba de su reconoscimentu de parti de is fortzas armadas de is carateristicas etnicas, chi si tragat a pabas su mitu de sa Brigata Sassari, bastat a castiai a is celebratzionis de is últimus 20 annus.

Po aMpI s'arrolamentu in is fortzas armadas de su Stadu est duncas parti de unu "processu de italianizatzioni de su pópulu sardu, de sa cultura sua, de sa língua sua fintzas a arribbai a s'istoria sua". De innoi sa dinúntzia contra a is "fortzas armadas de politzia italianas, esértzitu de ocupatzioni in su territoriu natzionali nostru po lassai is sardus asuta de is manus militaris".