Pcl: "Operàjus e pastoris unius in sa lota. Tocat a natzionalitzai s'industria agroalimentari de sa Sardigna"

(IlMinuto) – Casteddu, 26 de su mes''e austu - Casteddu, Tramatza, Terranòa e S'Alighera. Sa campagna de s'istadi de is pastoris sardus sighit de cenàbara in cenàbara atressu de totu sa Sardigna cun atzionis calmorosas. Cras su movimentu at a lompi in Monti di Mola: s'apuntamentu est po is 9.00 in Portu Retundu. Acanta de sa mobilitada de is pastoris s'est arringau puru su "Partito comunista dei lavoratori". "Candu sa gentixedda de sa política de centru-destra e de centru-sinistra - si ligit in d'una nota fatta connosci de su Cordinamentu regionali - a fac''e sa crisi achichiat e no scit prus ita nai, su Pcl imbidat a is operàjus e a is pastoris sardus a fai própriu s'órdini internatzionali: sa crisi dda paghint is capitalistas".
Su Pcl fait puru una fibera de propostas concretas: "S'impositzioni de unu prétziu minimu de su lati agiustau de borta in borta cun s'aumentu beru de is prétzius", "sa raiadura fatta debressi de totus is dépidus de is famílias, de is traballantis salariaus, de is pastoris e de is massajus" e "sa natzionalitzatzioni (regionalitzatzioni) senz''e indennitzu de totu s'industria de tramuda e de distributzioni agroalimentari".