Borsas de istudiu. S'Angenzia po su Taballu arraspundit a is backisti e is istudiosus. Tunis: "Is beneficiàrius seus nos"

(IlMinuto) - Casteddu, 6 de su mes''e austu - Sighit s'abbétia tra s'Agenzia regionali po su "Lavoro" e is borsistas de Master and Back e de su progetu "Giovani ricercatori" asuba de su cotizamentu de is assignus de istudiu finanziaus de su "Fondo sociale europeo".
Is borsistas afirmant - fortis de cussu chi est acontéssiu in sa Regioni Puglia - de essi is beneficiàrius de is assignus de istudiu finanziaus de su Fse. E is beneficiàrius, precisat sa normativa europea, no andat tassaus.
De pareri contàriu Su diretori de s'Angenzia regionali po su Traballu, Stefano Tunis. "Bollu acrarai - afirmat Tunis in d'una nota - ca su fueddu beneficiàriu usau in s'artículu 80 de su regulamentu (Ce) n. 1083/2006, bidit s'operadori, organísimu o impresa, púbblicu o privau, responsàbbili de su cumenzu o de su de su cumenzu e de s'aprigu de is operazionis', est a nai is "impresas púbblicas o privadas chi faint unu progetu síngulu e arricint s''agiudu púbblicu'. Duncas (...) si depint cunsiderai beneficiàrius s'Agenzia regionali po su Traballu.Est a custa difatis chi benit trasferiu totalmenti e senz''e operai nesciunu scómputu o tassa su dinai de s'Autoridadi de Gestioni de su Por Fse 2007-2013".