"Su serbíziu idricu sadru arriscat de finiri in is manus de is multinazionalis". Sa dinúnzia de su Cumintau "Acquapubblica"
(IlMinuto) – Casteddu, 8 de su mes''e argiòlas - Sa gestioni de su serbíziu idricu de sa Sardigna arriscat de passai in pagu tempus in is manus de is multinazionalis de su cumpartu.
Est cantu denunciat cun d'una nota su Cumitau "Acquapubblica" de Tàtari. A donai apensamentu a is imbasciadoris de su territoriu de su Forum italianu de is movimentus po s'àcua funt - acrarant - "is fueddus e is disígius de privatizazioni de su serbíziu idricu sadru espressaus de Piero Cadau, presidenti de su Consillu de s'amministrazioni de Abbanoa, in s'assembrea generali de is socius".
"Si bollint acarraxai is arrànzias de is annus passaus fattas de sa gestioni de Abbanoa Spa, unu perdimentu de 12 millionis de eurus, pensendi de donai su serbíziu idricu a is multinazionalis de s'àcua - at declarau Antonio Canu, imbasciadori de su Cumitau "AcquaPubblica" –, e custu candu in Parlamentu est frimma de tres annus una proposta de lei bófia de su pópulu po torrai a ponni s'àcua púbblica, proposta firmada de prus de 400milla citadinus própriu candu s'arregorta de is firmas po is tres referendum chi nd'iant a depi liai is partis prus imporantis de is duas leis chi si movint a bia de sa privatizazioni de s'àcua at superau in pagu mesis su millioni de firmas (ndi bastant 500milla)".
"Scéti un'enti de Diritu púbblicu a gestioni participada de is citadinus e de is traballantis de su Serbíziu 'e totu - precisat su Cumitau tataresu - podit garentiri una gestioni giusta e democràtica de unu diritu umanu universali e de unu beni comunu coment'est s'àcqua".
"Is esperiénzias de privatizazioni de Arezzu e de Latina - sighit a acrarai Antonio Canu - a cantu parrit no funt serbias de imparu a is capu mannus de s'amministrazioni de Abbanoa. Ingunis s'intrada de is privaus at causau s'aumentu de is prézius finzas a su 300 po centu, nesciunu investimentu in is rezas, s'irminorigamentu de su personali e unu serbíziu chi no scéti no est mellorau ma est peorau in modu meda malu, causendi, comenti in Latina, sa furriada de is citadinus cun s'irminorigamentu de is bulletas decídiu de cussus 'e totu".
Est cantu denunciat cun d'una nota su Cumitau "Acquapubblica" de Tàtari. A donai apensamentu a is imbasciadoris de su territoriu de su Forum italianu de is movimentus po s'àcua funt - acrarant - "is fueddus e is disígius de privatizazioni de su serbíziu idricu sadru espressaus de Piero Cadau, presidenti de su Consillu de s'amministrazioni de Abbanoa, in s'assembrea generali de is socius".
"Si bollint acarraxai is arrànzias de is annus passaus fattas de sa gestioni de Abbanoa Spa, unu perdimentu de 12 millionis de eurus, pensendi de donai su serbíziu idricu a is multinazionalis de s'àcua - at declarau Antonio Canu, imbasciadori de su Cumitau "AcquaPubblica" –, e custu candu in Parlamentu est frimma de tres annus una proposta de lei bófia de su pópulu po torrai a ponni s'àcua púbblica, proposta firmada de prus de 400milla citadinus própriu candu s'arregorta de is firmas po is tres referendum chi nd'iant a depi liai is partis prus imporantis de is duas leis chi si movint a bia de sa privatizazioni de s'àcua at superau in pagu mesis su millioni de firmas (ndi bastant 500milla)".
"Scéti un'enti de Diritu púbblicu a gestioni participada de is citadinus e de is traballantis de su Serbíziu 'e totu - precisat su Cumitau tataresu - podit garentiri una gestioni giusta e democràtica de unu diritu umanu universali e de unu beni comunu coment'est s'àcqua".
"Is esperiénzias de privatizazioni de Arezzu e de Latina - sighit a acrarai Antonio Canu - a cantu parrit no funt serbias de imparu a is capu mannus de s'amministrazioni de Abbanoa. Ingunis s'intrada de is privaus at causau s'aumentu de is prézius finzas a su 300 po centu, nesciunu investimentu in is rezas, s'irminorigamentu de su personali e unu serbíziu chi no scéti no est mellorau ma est peorau in modu meda malu, causendi, comenti in Latina, sa furriada de is citadinus cun s'irminorigamentu de is bulletas decídiu de cussus 'e totu".
© RIPRODUZIONE RISERVATA