Puru Casteddu narat no a su "bavaglio". Manifestada a fac''e su tribbunali

(IlMinuto) - Casteddu, 1 de su mes''e argiòlas - Puru Casteddu cabat in praza po nai no a sa lei "bavaglio" e difèndiri sa libbertadi de informazioni. Custu merì a cumenzai de is 17.00, a fac''e sa sedi de su Palazu de Giustizia, s'at a tenni una manifestada aprontada de su "Popolo Viola".
Mobilitazionis ugualis funti stetias programmadas in totu s'Itàlia de sa Fnsi, su sindacau de is giornalistas. Cussa de oi - si ligit in d'una nota sindacali - "est una campagna in su signu de sa Costituzioni, po donai boxi a is sugetus e a is temas chi ant a depi essi postus a citiri si iat a passai unu provedimentu chi ferrit in su mantessi tempus su traballu de is giornalistas e su diritu de is citadinus de connòsciri is acuntéssias de su stadu italianu".
Contra a sa lei "bavaglio" at nau sa sua puru s'Anso (Associazione nazionale della stampa online). "Totus - afirmat s'Anso - tenint su diritu, in s'arrespetu de is diritus allenus, de essi informaus e de participai in su web a sa líbbera circulazioni de bideas e de pensus, comenti narat sa Costituzioni. Su disignu de lei presentau assimbillat a un'amelezu puru in is cunfrontus de is editoris, e impitat multas meda grais po chini no arrespetat sa lei. Sa bera mancànzia de arresputu iat essi cussa de acetai su "bavaglio" e de acetai ca sa libbertadi de sa reza siat posta citiri".