"Non saremo più le vostre cavie". Su Cordinamentu No-Pisq in praza a pustis de s'alluimentu de su motori de su míssili Vega

(IlMinuto) – Casteddu, 27 de su mes''e maju - "Sa genti de sa zona no podit e no depit sighiri a fai de cavia po valutai sa spaniadura e su mali chi faint is prodotus de sa combustioni de custus míssilis". Est cantu afirmat cun d'una nota su Cordinamentu No-Pisq cummentendi s'alluimentu - de martis passau - "de su motori Zefiro de su míssili Vega, in su situ de Torre Murtas, in sa zona de mari de su poligonu de Quirra (Pisq)".
"Po chistionai de custas acuntéssias" e po costruiri "una prospetiva de contestadura e de lota" su Cordinamentu at avisau un'assembrea púbblica po cras in Biddeputzi (19.00, praza Concia).
"Ancora una borta - precisat su Cordinamentu - centinas de cuintalis de arrefudus de cumponidura disconnota si funt trasformaus in d'una nui meda manna de fumus spaniaus po chilómitrus, cun s'avelenamentu de s'ambienti a ingíriu".
"Su cumandanti militari de su Pisg - si ligit in sa nota - at donau ancora una borta proa de dispréziu e de fridura in is cunfrontus de is civilis, no donendi nesciunu avisu de s'alluimentu". "Su cumandu - concluit sa nota - at in veci fattu connosci sa nova (castia s'artículu de "L'Unione Sarda" de su 25 de su mes''e maju) ca is fumus ant essi acastiaus povínzas de rivelatoris de radioatividadi disperdia. Ddoi est calincuna arraxioni poita (in aciúnta a is famosas 'nanoparticelle') si depat abetai calincunu mabi radioativu fattu de is motoris in proa?".