Israeli bocit 19 paxiosus de sa "Freedom Flotilla". Cras a merì sit in de protesta in Casteddu
(IlMinuto) – Casteddu, 31 de su mes''e maju - "Ativistas po is diritus umanus de prus de 40 nazionalidadis e medas agiudus umanitarius. Centinas e centinas de cuintalis de ciumentu, 100 domus prefabbricadas, materiali iscolasticu, 500 carrozinas, mexinas".
Funt custas is "armas" - acrarat s'Associazioni "Sardegna Palestina" - chi sa missioni umanitaria de sa Freedom Flotilla bolliat portai in sa Striscia de Gaza forzendi is blocus militaris. Missioni firmada, cun pagu sentidu, a su noti, de sa marina e de is elicoterus de Israeli, chi ant assaltau una de is nais de sa flota, bocendi 19 paxiosus e fadendi diversus ferius.
S'Associazioni at aprontau po cras a merì in Casteddu (18.00, Bastioni de Casteddu) unu sit in po manifestai contra a custa strossa fatta de is forzas armadas de su stadu de Istraeli.
n pagus oras - atressu de unu grupu Facebook - ant addilliu a s'eventu prus de centu ànimas e forzas comenti s'organizazioni indipendentista Sardigna Natzione e su sindacau de basi Usn (ex Rdb).
"Po segai sa solidariedadi internazionali chi s'est creada ingíriu a sa càusa palestinesa - scririt sa direzioni nazionali de Sni - Israeli est passau de is trampas diplomàticas a is omicídius meditaus in segretu e a is strossas de amigus paxiosus de is palestinesus".
Meda forti puru sa reazioni de s'"Unione Sindacale di Base". "No acetaus - scririt s'Usb - sa mudesa e sa complicidadi cun su terrorismu de stadu israelianu e cust'àteru arrevesciori malu in is cunfrontus de sa legalidadi internazionali. Acozaus sa campagna de boicotadura de s'economia de guerra israeliana".
Arrabiau su cummentu de s'imbasciadori de aMpI Cristiano Sabino. "Is militaris israelianus - narat Sabino - si funt cumportaus puru custa borta comenti berus e próprius scuadronis de sa morti imbriagus de velenu colonialista: ant assaltau sa nai de is paxiosus chi furiant sbentulendi bandheras biancas e ant bociu dexianas de personas".
"Atuaus - concluit s'esponenti de aMpI - ca nesciunu organísimu internazionali, nonostanti is protestas a fueddus, at a frimai su colonialismu israelianu e italianu e ca scéti sa resisténzia e sa lota popolari at a podi bogai de fund'e arréxini custu mali mandiadori de s'istoria e scriri una pàgina noa de civiltadi e umanidadi".
Funt custas is "armas" - acrarat s'Associazioni "Sardegna Palestina" - chi sa missioni umanitaria de sa Freedom Flotilla bolliat portai in sa Striscia de Gaza forzendi is blocus militaris. Missioni firmada, cun pagu sentidu, a su noti, de sa marina e de is elicoterus de Israeli, chi ant assaltau una de is nais de sa flota, bocendi 19 paxiosus e fadendi diversus ferius.
S'Associazioni at aprontau po cras a merì in Casteddu (18.00, Bastioni de Casteddu) unu sit in po manifestai contra a custa strossa fatta de is forzas armadas de su stadu de Istraeli.
n pagus oras - atressu de unu grupu Facebook - ant addilliu a s'eventu prus de centu ànimas e forzas comenti s'organizazioni indipendentista Sardigna Natzione e su sindacau de basi Usn (ex Rdb).
"Po segai sa solidariedadi internazionali chi s'est creada ingíriu a sa càusa palestinesa - scririt sa direzioni nazionali de Sni - Israeli est passau de is trampas diplomàticas a is omicídius meditaus in segretu e a is strossas de amigus paxiosus de is palestinesus".
Meda forti puru sa reazioni de s'"Unione Sindacale di Base". "No acetaus - scririt s'Usb - sa mudesa e sa complicidadi cun su terrorismu de stadu israelianu e cust'àteru arrevesciori malu in is cunfrontus de sa legalidadi internazionali. Acozaus sa campagna de boicotadura de s'economia de guerra israeliana".
Arrabiau su cummentu de s'imbasciadori de aMpI Cristiano Sabino. "Is militaris israelianus - narat Sabino - si funt cumportaus puru custa borta comenti berus e próprius scuadronis de sa morti imbriagus de velenu colonialista: ant assaltau sa nai de is paxiosus chi furiant sbentulendi bandheras biancas e ant bociu dexianas de personas".
"Atuaus - concluit s'esponenti de aMpI - ca nesciunu organísimu internazionali, nonostanti is protestas a fueddus, at a frimai su colonialismu israelianu e italianu e ca scéti sa resisténzia e sa lota popolari at a podi bogai de fund'e arréxini custu mali mandiadori de s'istoria e scriri una pàgina noa de civiltadi e umanidadi".
© RIPRODUZIONE RISERVATA