S'isfida de A Manca: Bruno Bellomonte síndigu de Tàtari
(IlMinuto) – Casteddu, 21 de su mes''e arbili - Bruno Bellomonte. Su 30 e su 31 de su mes''e maju, acanta a is candidaus a síndigu de is àteras alleànzias e partidus, is citadinus tataresus ant a agatai in s'ischeda su nòmini de su dirigenti de A Manca Pro s'Indipendentzia. "No est una zunzulladura, ma est una bera campagna política po esigiri su diritu a s'indipendénzia de su pópulu nostru e su subitanu spresonamentu de Bruno", acrarat s'imbasciadori nazionali de aMpI Cristiano Sabino.
"Sa candidadura de Bruno Bellomonte a síndigu de Tàtari - precisat Sabino - torrat a donai a su militanti políticu nostru sa própriu dignidadi de dirigenti indipendentista, chi is buginus romanus e is mezus de informazioni italianus e sadrus cicant dognia diri de nddi liai apicighendiddi su marcu de brigatista".
"Bruno - sighit s'imbasciadori - at militau e traballau tant'annus in Tàtari e at impignau grandu parti de sa vida sua po fai de custa citadi una citadi diversa, lotendi po cumbati is progetus de is speculeris e de is afaristas (...) de diversa natura, totus acapiaus a is interessus (...) de is partidus italianus e de sa burghesia tataresa".
S'organizazioni comunista e indipendentista at essi duncas presenti po is elezionis comunalis tataresas cun listas autónomas. No at a participai cun is próprius listas, perou, a is elezionis provinzialis e nemmancu a is àteras elezionis comunalis.
"In custu momentu - acrarat Sabino - no si parrit adatu aggrogogliai is forzas nostras po participai a is elezionis provinzialis e comunalis de su mes''e maju chi benit, puru poita po nos custas rapresentant una possíbbili tàtiga de rexinamentu de su progetu políticu indipendentista, ma no s'única, e nemmancu su fini aundi circai de arribbai e po su cali sacrificai dognia cosa".
A difarénzia de Sardigna Natzione, a Manca no narat a s'eletorau indipendentista de no andai a votai.
"A Manca pro s’Indipendentzia - concluit s'imbasciadori - penzat chi siat necessàriu agiudai un'acrescimentu, puru eletorali, de su movimentu de lebberazioni nazionali e sa própriu abbiléntzia a ponni arréxinis in su pópulu traballadori sadru. Po custu motivu naraus a totus is iscritus nostrus e a s'area nostra de votai indipendentista e prusatotu arremaciaus de no votai calisisiat partidu o alleànzia italiana".
"Sa candidadura de Bruno Bellomonte a síndigu de Tàtari - precisat Sabino - torrat a donai a su militanti políticu nostru sa própriu dignidadi de dirigenti indipendentista, chi is buginus romanus e is mezus de informazioni italianus e sadrus cicant dognia diri de nddi liai apicighendiddi su marcu de brigatista".
"Bruno - sighit s'imbasciadori - at militau e traballau tant'annus in Tàtari e at impignau grandu parti de sa vida sua po fai de custa citadi una citadi diversa, lotendi po cumbati is progetus de is speculeris e de is afaristas (...) de diversa natura, totus acapiaus a is interessus (...) de is partidus italianus e de sa burghesia tataresa".
S'organizazioni comunista e indipendentista at essi duncas presenti po is elezionis comunalis tataresas cun listas autónomas. No at a participai cun is próprius listas, perou, a is elezionis provinzialis e nemmancu a is àteras elezionis comunalis.
"In custu momentu - acrarat Sabino - no si parrit adatu aggrogogliai is forzas nostras po participai a is elezionis provinzialis e comunalis de su mes''e maju chi benit, puru poita po nos custas rapresentant una possíbbili tàtiga de rexinamentu de su progetu políticu indipendentista, ma no s'única, e nemmancu su fini aundi circai de arribbai e po su cali sacrificai dognia cosa".
A difarénzia de Sardigna Natzione, a Manca no narat a s'eletorau indipendentista de no andai a votai.
"A Manca pro s’Indipendentzia - concluit s'imbasciadori - penzat chi siat necessàriu agiudai un'acrescimentu, puru eletorali, de su movimentu de lebberazioni nazionali e sa própriu abbiléntzia a ponni arréxinis in su pópulu traballadori sadru. Po custu motivu naraus a totus is iscritus nostrus e a s'area nostra de votai indipendentista e prusatotu arremaciaus de no votai calisisiat partidu o alleànzia italiana".
© RIPRODUZIONE RISERVATA