"Dieci minuti per la vita": in d'unu grupu de tres féminas scéti una addirit a su screening a gratis promòviu de sa Asl de Terranòa

(IlMinuto) – Casteddu, 14 de su mes''e arbili - "In tres annus ant essi 41.813 galluresas chi ant essi lamadas a fai unu simpli pap-test in is ambulatórius de s'azienda sanitaria". Est cantu comunicat cun d'una nota (fonti: www.sardegnasalute.it) sa Asl de Terranòa. De su 30 de su mes''e totussantus de su 2009 a su 31 de su mes''e marzu de su 2010 funti stetias 2.063 is féminas tra is 25 e is 41 annus a ai fattu su screening  de sa "cervice uterina": su 30,4 po centu de cussas lamadas de sa Asl de sa Gallùra.
"S'arriscu de tumori de sa 'cervice uterina' in sa vida de dognia fémina - precisat sa responsàbbili de su screening Maria Piga - est de su 6,2 po centu, po custu pedeus pagu prus de dexi minutus de sa própriu vida po podi cumbàtiri unu mali, su cancru, chi podit essi dominau scéti cun su prevenimentu e cun d'una diàgnosi fatta in tempus".
Sa Asl galluresa mandat a is féminas una lítera, narendidisi de si presentai in s'ambulatóriu prus acanta a sa domu insoru, aundi una levadora ddi si fait su Pap test. Si su risurtau est negativu benit mandau in deretura a domu. Si in veci su risurtau est positivu o dúbbiu, sa fémina benit lamada de su centru screening de sa Asl po fai aterus analis.