Basta cun is "presidentis meris" bófius de su Pd. Prc, Pdci e Psi bullant is primarias

(IlMinuto) – Casteddu, 1 de su mes''e arbili - "Penzaus ca siat sballiau e dannosu su scioberu de su Pd de bolli impòniri cun is primarias totus is próprius candidaus e istrobeddai in custu modu is atritus políticus de su centru sinistra". Est cantu afirmat, abetendi is elezionis de su mes''e maju, una nota de imprenta meda forti scrita de Prc, Pdci e Psi, nota firmada de is segretarius regionalis Gianni Fresu Prc, Claudio Giorgi Pdci, Peppino Balia Psi e Enrico Piras Upc.
"Po cantu siat positiva sa bolontadi de allargai sa basi de sa participazioni popolari in is scioberus políticus - acrarant is firmatarius de sa nota - penzaus ca in custu casu is primarias si pozant svelai totu su contràriu, amenguendi su sceberu scéti a su partidu de una mazorànzia chi no est assoluta".
"Teneus - precisant - medas dúbbius asuba de sa bera poténzia e asuba de sa berífica democratica de un'istrumentu corali e chi si podit impestai cun facilidadi".
Sa "Federazione di Sinistra" (Prc e Pdci), su Psi e s'Upc bullant duncas is primarias, "is incrinus presidenzialistas e is scioberus arbitràrius e po su prus individualis".