Santa Maria Bambina de Aristanis. Vinci (Sel): tocat firmai is lissenziamentus. S'assessori Liori cummissarit su Cda
(IlMinuto) – Casteddu, 26 de su mes''e marzu - Cummissariai chi bollit lissenziai. Podit essi forsis aici resuminada sa proposta de s'odg presentau in is diris passadas de su rapresentanti de Sinistra Ecologia e Libertà in Consillu provinziali, Alessandro Vinci, po bonificai su pranu economicu de su Centru de Cura e Riabilitazioni Santa Maria de Aristanis.
S'odg de Vinci, votau a s'unanimidadi, pedit unu pranu de bonífica de Santa Maria Bambina, chi salvaguardit totus is postus de traballu de s'istrutura. Su cda de oi at difatis annunziau su lissenziamentu de 14 traballantis de su cumpartu amministrativu: dinai liau chi, tra s'ateru, iat a permiti de "arresparmiai" asuba de sa peddi de is traballantis scéti 30milla eurus dognia diri, a facc''e de una pérdida sica a su mesi de 130milla eurus e de unu dépidu cun s'Inps e cun is Instistus de Créditu de prus de 11 millionis de eurus.
A oi, in sa sanidadi sadra, su Santa Maria Bambina "est - acrarat sa mozioni - s'unica realidadi in su campu de sa cura e de is terapias riabilitativas de is maladius chi funt in coma, chi tenint patologias a conca e a su coru". Tra pagu tempus su Consillu provinziali at a fai un'atóbiu a tema in su Centru de Cura.
"Sinistra Ecologia e Libertà - si narat in d'una nota - sperat debressi in d'una soluzioni de sa cosa, sigomenti pensat ca siat meda importanti su mantenimentu ativu e biu de un'istrutura sanitaria famada in totu su territoriu regionali (...) ma prusatotu sigomenti no depit essi un'atera borta su territoriu aristanesu a pèrdiri importantis istruturas e postus de traballu po agiudai, forsis, ateras zonas".
S'odg de Vinci, votau a s'unanimidadi, pedit unu pranu de bonífica de Santa Maria Bambina, chi salvaguardit totus is postus de traballu de s'istrutura. Su cda de oi at difatis annunziau su lissenziamentu de 14 traballantis de su cumpartu amministrativu: dinai liau chi, tra s'ateru, iat a permiti de "arresparmiai" asuba de sa peddi de is traballantis scéti 30milla eurus dognia diri, a facc''e de una pérdida sica a su mesi de 130milla eurus e de unu dépidu cun s'Inps e cun is Instistus de Créditu de prus de 11 millionis de eurus.
A oi, in sa sanidadi sadra, su Santa Maria Bambina "est - acrarat sa mozioni - s'unica realidadi in su campu de sa cura e de is terapias riabilitativas de is maladius chi funt in coma, chi tenint patologias a conca e a su coru". Tra pagu tempus su Consillu provinziali at a fai un'atóbiu a tema in su Centru de Cura.
"Sinistra Ecologia e Libertà - si narat in d'una nota - sperat debressi in d'una soluzioni de sa cosa, sigomenti pensat ca siat meda importanti su mantenimentu ativu e biu de un'istrutura sanitaria famada in totu su territoriu regionali (...) ma prusatotu sigomenti no depit essi un'atera borta su territoriu aristanesu a pèrdiri importantis istruturas e postus de traballu po agiudai, forsis, ateras zonas".
© RIPRODUZIONE RISERVATA