Zuncheddu (Rossomori) scririt a Cappellacci: "Cun is cosas chi at nau at traíxiu 'is sadrus disisperaus'. Lassit s'incarrigu"

(IlMinuto) - Casteddu, 23 de su mes''e fiàrgiu - "Cun cussu chi at nau at traíxiu po primu cosa sa fidúzia chi dd'ant donau is 'sadrus disisperaus', cussus chi dd'ant donau su guvernu de sa Sardigna creendi a is promissas chi ddi s'at fattu, a cussas fattas de Berlusconi e a cussas de is 'trupas colonialis' suas, no podit fai ateru chi lassai s'incarrigu". Est cantu scririt sa consillera regionali de is Rossomori, Claudia Zuncheddu, in is ùrtimas arrigas de una lítera oberta mandada a su presidenti de sa Regioni, Ugo Cappellacci, a pustis de "sa cosa trista meda chi esti stetia intendia atressu is "intercettazioni telefoniche". Segundu cantu intendiu, difatis, fustei tenit sa cuscénzia ca 'su límiti beru e meda mannu de sa Sardigna funt is sadrus'".
"Is cosas chi at nau fustei - scririt Zuncheddu in sa lítera a Cappellacci - dda sa conosceus giai, funt is cosas de sempiri, chi benint usadas de totus is colonialistas po giustificai sa presénzia e su poderi insoru in Sardigna, est a nai trasladài is arrichesas de is 'sadrus chi no funt capazis de dda sa fai frutai' a is 'sadrus chi agiudant' is meris insoru chi benint de su continenti". 

 

Liggi su documentu:

http://www.ilminuto.info/notizia.php?id_notizia=1855