Lítera oberta de A Manca: bloccai is lissenziamentus e costruiri su Partidu de is Traballantis sadrus

(IlMinuto) – Casteddu, 8 de su mes''e fiàrgiu - "Su bloccu arrepenti de is lissenziamentus finzas a candu no siat donada un'alternativa precisa a sa crisi colonialista". Est cantu proponit A Manca pro s'Indipendentzia cun d'una lítera oberta a is traballantis sadrus scrita a pustis de s'isciòpiru generali de su 5 de su mes''e fiàrgiu. Su movimentu indipendentista e comunista at addiriu a sa mobilitazioni, ma cun d'unu pensu críticu. "Denunziaus - si podit liggiri in d'una lítera - no scéti s'abbandonu de is 'gruppus nazionalis multinazionali' mannus, ma puru chi no at impediu totu custu, a partiri de is sindacaus italianus, chi sighint a tenni sa mentalidadi mindighera de is burdus". Po A Manca sa crisi de sa Sardigna no est "universali e casuali ma est genetica e causada de sa ditadura colonialista chi s'ant impostu de unu séculu e mesu". Po segai cun su colonialismu A Manca proponit de costruiri su Partidu de is Traballantis sadrus. "Nosu seus cumbintus - precisat su documentu firmau de s'imbasciadori nazionali Cristiano Sabino - chi essi indipendentistas oi no possat ca significai costruiri su Partidu de is Traballantis sadrus, unu partidu chi tengat s'abbilénzia de arregòlliri is abbisóngius de cambiamentu de su mundu de su traballu in sa terra nostra e de furriai custas abbilénzias contra a is berus responsàbbilis de custu mali".

 

Liggi su documentu:                          

http://www.ilminuto.info/notizia.php?id_notizia=1732