Liburus: "Alla scoperta dell'America in Sardegna" cun Alessandra Guigoni

(IlMinuto) - Casteddu, 15 de su mes''e fiàrgiu - Unu viàgiu in su cursu de su tempus po iscoberriri is efetus chi at tentu s'intrada de cincu matas chi benint de s'America in sa massaria e in sa cos''a papai de is sadrus: batata, figu morisca, fasolu, cixilianu e tamata. Est cussu chi fait Alessandra Guigoni, s'antropologa e istudiosa chi curat su situ www.etnografia.it con su liburu "Alla scoperta dell'America in Sardegna: vegetali americani nell'alimentazione sarda", prus de 400 pàginas de istudius pubblicaus po s'AM&D. "Dognia incontrada de s'Isola - si podit liggiri in sa presentada de su liburu in su situ de s'editori chi dd'at pubblicau - teniat is própius cosas de papai segundu caminus precisus: is caminus de su binu, de s'ollu e de su pisci. A custus, a pustis de s'iscoberta de s'America, s'aciungint matas noas e foràstias, diventadas debressi su símbolu de sa coxina mediterrànea.