"Carraixali de l'Alguer": is màscaras sadras protagonistas de su 2010

(IlMinuto) – Casteddu, 4 de su mes''e fiàrgiu - At essi s'isfilada de is màscaras de sa tradizioni sadra cussa chi at a animai su merici de sàbudu 13 de su mes''e fiàrgiu, est custu su momentu prus importanti de su "Carraixaili de l'Alguer". Su Carnovali 2010 de sa cittadi catalana previdit difatis unu programma meda cumpriu chi at a biri sa participazioni de is cuarteris istoricus de s'infànzia. Is afestus s'ant a oberri s'11 de su mes''e fiàrgiu cun su Carnovali de is pipius, sighiu, su 14 de su mes''e fiàrgiu, de is carrus de Carnovali fattus de is carreras. "Sa festa est unu momentu ispantosu chi segat su rítimu de dognia diri - si podit liggiri in d'una nota - e totu benit fattu a befa in d'unu remollinu de baddus, de cantus, de música e de coloris". Su "Carraixali de l'Alguer" s'at a serrai su 20 de su mes''e fiàrgiu cun s'isfilada de is pipius de is iscolas elementaris e de is asilus "Des'annu zeru a su medioevu". IlMinuto at a donai noas diri po diri de is afestus de su Carnovali de S'Alighera e de totu sa Sardigna in sa rubrica "Apuntamentus".