Refudus tóssicus Portovesme srl. Cumpostu: "Su comitau politicu de is affaris paghit su recúperu de su territoriu"

(IlMinuto) - Casteddu, 25 de su mes''e gennargiu - "Prus de una borta Sardigna Natzione Indipendentzia at dinunziau su càlculu de is affaris chi ddu est a palas de is ferrinas industrialis connotas comenti "fumi di acciaieria". Fiat difatis evidenti ca sa Portovesme Srl iat ai tentu prus interessus a ismaltiri in d'una disgàrriga is "fumi di acciaieria", prus ca a ddu su fai traballai po ndi bogai su zingu". Dd'at nau su cordinadori nazionali de Sardigna Natzione Indipendentzia, Bustianu Cumpostu, candu at commentau is notizias de is diris passadas, notizias chi teniant po argumentu s'ismaltimentu de is ferrinas illegalis de parti de sa Portovesme srl. "Totu custu - narat su leader indipendentista - no bollit nai pediri sa serrada de sa Portovesme srl (...) ma bollit nai creai is condizionis po cambiai su deretu e portai a s'economia sadra un'ateru modellu de isviluppu acapiau a is risorsas de su logu e chi torrit a ponni manu a is damnus fattus a sa terra nostra, causaus de su comitau politicu de is affaris e de su stadu, is unicus chi tenint sa responsabilidadi de su sciasciu".