Programma Rientro dei cervelli": dimandas intru su 29 de su mes''e gennargiu

(IlMinuto) - Casteddu, 26 de su mes''e gennargiu - Su "Programma rientro dei cervelli Rita Levi Montalcini" est dedicau a is giòvunus istudiosus italianus o istrangius chi de assumancu tres annus funt foras de istadu po istudiai. Puru s'Universidadi de Casteddu at adiriu a su progettu, promòviu de su "Ministero dell'Istruzione". Su bandu est obertu a is istudiosus de dognia campu e de dognia nazioni. Is ùnicus requisitus po podi presentai dimanda funt su titulu de "Dottore di ricerca" - otentu de no prus de ses annus - e s'ai fattu s'istudiosu o su maistu foras de istadu. Intru su 29 de su mes''e gennargiu chini est interessau depit mandai sa dimanda online chi s'agatat in su situ cervelli.cineca.it. A pustis s'at a depi mandai su documentu po adiriri a su programma a s'"Ufficio Rientro Cervelli" de Universidadi de Casteddu.