Alcoa narat no a su Guvernu e annunziat sa cassa integrazioni. Presidiu de is operàjus e assembrea in Portovesmi

(IlMinuto) - Casteddu, 8 de su mes''e gennargiu - S'est segada sa possibbilidadi de un'accordu tra s'Alcoa e su Guvernu. A pustis de una chistioni in sa sedi de su ministeru de su "Sviluppo economico" chi s'est allonghiada finzas a is duas de noti, is rappresentantis de sa multinazionali de s'allumíniu ant annunziau sa decisioni de cumenzai, tra dexi diris, is procedimentus po pediri sa cassa integrazioni po is dipendentis italianus de s'Alcoa. Custas dexi diris ant a serbiri a s'azienda po giudicai is propostas de su Guvernu, chi finzas a oi funti stetias giudicadas mali. Is 35 eurus po megawatt/ora chi funti stetius propostus de s'Esecutivu funt ancora meda attesu de is 30 eurus pedius de s'azienda. A pustis de s'avvisu de sa cassa integrazioni, arriciu in is primus oras de su mangianu, prus de 200 traballantis si funt agataus in d'unu presidiu spontaneu nasciu in s'intrada de sa fabbrica. Po custumerì esti stetia fissada un'assembrea aintru de s'istabilimentu.