Costa de Malfatano: Zuncheddu chistionat de "sa berífica preventiva" chi no est a norma in su progetu de 189metrus cubus

(IlMinuto) - Casteddu, 9 de su mes''e paschixèdda - No esti stetia fatta sa "berífica preventiva", segundu cantu istabbiliu de sa lei, po su progetu de sa Sitas spa, aprovau de su comunu de Teulada, chi previdit de costruiri 189 metrus cubus in sa costa de Malfatano - in su Capu Spartivento -. Est cantu dinunziat Claudia Zuncheddu, sa consillera regionali de is Rossomori, interpellendi su presidenti de sa Regioni, s'assessori regionali de s'"Ambiente" e s'assessori de is "Enti locali". Su progetu, chi previdit cincu pranus de lottizzazioni, esti stetiu aprovau in su 2001 cun diversas delíbberaa de parti de su Consillu comunali. Immoi - a pustis de diversus passadas amministrativas fattas de pagus annus - in su territoriu aundi s'at a depi fai su progetu si funt faendi traballus po fai un'hotel, unu centru po cuferénzias e unu residence de lussu, po unu totali de 140 milla metrus cubus. Totu custu in d'una zona chi Zuncheddu definit "una tra is unicas fàscias de  costa de su Mediterraneu ancora sinzèras". Tres de is cincus lottizzazionis de su primu progetu funti stetias suttopostas a su prozedimentu de "berífica preventiva", chi ant escludiu sa nezzessidadi de un'ateru avaloraméntu po is efetus chi pesant in s'ambienti. Una cuarta lottizzazioni esti stetia valutada segundu is efetus causaus a s'ambienti cun giudiziu positivu. "Sa 'prassi amministrativa' sighia  - narat sa consillera - violat is decisionis comunitarias e nazionalis chi imponint s'avaloramentu titali de is interventus". Sa mancanzia de s'arrispetu de custu critériu - un'avaloraméntu scéti po cincu lottizzazionis - at ispintu sa Commissioni europea, chi at pigau is recursus de parlamentaris e de associazionis ambientalistas, a cumenzai is beríficas cun sa possibbilidadi beras de oberriri unu "prozedimentu de contravvenzionis in campu ambientali" contra a sa Regioni Sardigna.