Cao (Gettiamo le basi): "Is dimandas de recumpensa po is mortis po mori de s'uraniu 'impoverito' ant essi fuliadas"

(IlMinuto) – Casteddu, 16 de su mes''e paschixèdda - "Is 60 dimandas de recupensa fattas de is vitimas zivilis de s'uraniu 'impoverito' residentis in Sardigna, segundu cantu bófiu de su Decretu 37 de su Presidenti de sa Repubblica de su 3 de su mes''e marzu de su 2009, ant essi casi seguramenti fuliadas poita no bintrant in cantu istabbiliu de sa normativa". Est cantu dinunziat a IlMinuto Mariella Cao de su Comitau "Gettiamo le Basi". "Su decretu - spiegat Cao - previdit ca is zivilis no possant istai a prus de 1,5 chilómitrus de is poligonus e custu escludit de sa recumpensa una fita meda manna de sa popolazioni de Quirra e totu cussa de Teulada". "Is parlamentaris sadrus - spiegat sa leader antimilitarista - chi giustamenti si mobilitant po su finanziamentu de sa Tàtari-Terranòa, depint bessiri de sa mudesa e si depint ativai po modificai su dpr po agiudai  is vitimas de s'uraniu 'impoverito', in totu 70 tra militaris e zivilis scèti a Quirra, po podi custa essi recupensada in modu giustu".