Vittimas de s'"uranio impoverito": intru su 7 de su mes''e totussantus is dimandas po s'indennizu

(IlMinuto) – Casteddu, 2 de su mes''e totussantus - Iscadit su 7 de su mes''e totussantus s'ùltima diri po fait is dimandas de indennizu po is vittimas - sordaus e civilis - de impestamentu de "uranio impoverito". Po ndi sciri de prus e po pediri agiudu est possìbili andai in su studiu de s'abogau Bruno Ciarmoli (080/5247542 - inchiestauranio. blogspot.com). Su decretu de su Presidenti de sa Repubblica (3 de su mes''e marzu, n.37) at donau 30 milionis de eurus po s'indennizu de is vittimas de s'"uranio impoverito" o de "nanoparticelle" produsiu de s'iscòppiu de aterus metallus pesantis. Segundu cantu ispiegau pagus cidas fait in d'unu convegnu de Mariella Cau de su "Comitato Gettiamo le Basi", su provvedimentu arriscat de si trasformai in d'una beffa po is interessaus. "Su dinai donau - at nau Cau - funt meda pagus a confrontu de su nùmeru de is vittimas e sa documentazioni est inaccessìbilis. No scéti: su decretu previdit ca is civilis non possant tenni sa residenzia a prus de 1,5 chilometrus de sa "bombing area" e custu escludit de s'indennizu totu sa popolazioni de Teulada e sa una parti meda manna de cussa de Quirra".