Simàghis: torrat puru ocannu sa sagra de s'arrosu

(IlMinuto) – Casteddu, 6 de su mes''e totussantus - Fai conosci a is sadrus e a is foresteris s'importanzia de s'arrosu in sa dieta mediterranea e publicizzai s'ottima calidadi de is produzionis de su territoriu. Cun custus obbiettivus sa Pro Loco de Simàghis - territoriu chi tenit una produzioni meda manna de custu laori - organizzat de su 1986 sa Sagra de s'arrosu. S'apuntamentu - arribbau  a sa XVII edizioni - torrat puru ocannu, su 6 e su 7 de su mes''e totussantus. Cumenzendi de custumerì, sa genti chi at a andai a sa sagra de custa biddixedda de sa provìnzia de Aristanis at a podi tastai is ottimus prattus de arrosu de su chef e s'at podi recai in varius stand po approfundai is proprias curiosidadis.