Prc: Fresu, "Capellacci depit abbandonai s'incumbènzia"

(IlMinuto) - Casteddu, 14 de su mes''e argiolas - "Sa Giunta Cappellacci depit lassai s'incumbènzia po arrepitia mancànzia de abbilénzia a rapresentai su pópulu sadru, is forzas socialis e cussas democraticas si depint preparai a unu cuntrastu difícili po evitai de biri sburrada de sa Sardigna una calisiat ipòtesi de isvilupu industriali". Aici su Segretariu regionali de su Prc, Gianni Fresu, a pagus oras de su blocu de is depositus nazionalis de Sarròccu e de Pòrtu Turre e de s'atóbiu Regioni-Guvernu fissau po su 17 de su mes''e argiolas in Roma. "Parrit pagu possíbbili - sighit Fresu - ma su prus mannu apinnicu de su Guvernu regionali, in is diris primu de sa decisioni de s'Eni, furiat scéti po su "rimpastu", a pustis de centu diris de guvernu. Sa Sardigna est tratada comenti una colònia e su Presidenti chi dda rapresenat fait coment is passaus Vicereis piemontesus".