Su Psi: «Sena nche tòddere nudda a sa potestade legislativa, sa Pratobello cheriat aprovada mancari emendada»

No in sa Giunta, ca a sos de su Psi non b’at essidu nemmancu un’assessoradu, ma in intro de sa majoria emmo. Su malumore de sos sotzialistas de Gianfranco Lecca est essende a campu e, in giru de pagas dies, duos sunt sos comunicados istèrridos: su primu in contu de sanidade, trasportos, massaria, àreas internas e rinnovàbiles (pagas dies in antis de su votu lìgure sa crìtica fiat totu canta a s’idea matessi de campu largu); su segundu in riferimentu a sa Pratobello chi, mancari criticada, meressiat «atentzione», «prioridade», «urgèntzia» rispetende sas 210mìgia firmas e «sena nche tòddere nudda a sa potestade legislativa». Sa lege, duncas, cheriat aprovada «mancari emendada».