Abba de Siete Fuentes, sos comitados cherent craresa a pustis de su decretu de suspensione

B’at unu decretu chi est ponende oriolos mannos a is de sos comitados de Santu Lenardu de Siete Fuentes (unu ispontàneu pro s’amparu de sas abbas e unu de salvaguàrdia). Est su de su 26 de austu firmadu dae su diretore generale de sa Preventzione sanitària de su ministèriu de sa Salude chi, «suspendet sa valididade de su reconnoschimentu de s’abba minerale “Siete Fuentes”, de sa localidade omònima de santu Lussùrgiu, e sa de sas indicatziones pro sas etichetas a pustis de sas crititzidades emìtidas in sos atos trasmìtidos pro sas verìficas de sos annos 2022 e 2023 (analizos chìmicos, chìmicos-fìsicos e microbiològicos». A bisu de sos comitados «su nùmeru de sos putzos in sos verbales de prelevamentu est 5 ma nde resurtat unu autorizadu sena inditare s’ubicatzione geogràfica pretzisa; sas firmas in su verbale non sunt legìbiles; sos verbales sunt compilados cun fartas». Mentovada sa currispondèntzia chi mancat intre s’abba analizada e sos putzos de prelievu, bi diant dèvere àere valores chi non torrant cun sos chi sunt rechestos dae sas normas. «Cherimus acrarimentos pùblicos – narant is de sos comitados – pro su chi pertocat sas abbas de Siete Fuentes dae parte de sas autoridades cumpetentes a livellu comunale e regionale»