Mùsicas e dantzas icurigosas in sa prima editzione de Umbras

Est in programma pro sàbadu su 13 de argiolas, in sa Cueva Rock de Quartùciu, su mini festival iscurigosu “Umbras, suoni dalla Sardegna oscura” organizadu dae s’assòtziu Terra Atra. In su palcu, dae sas 9.30 de sero sos Hermetic Brotherhood of Lux-or de Macumere, sos barbaritzinos Ilienses e – serrende – sa cantante e performer Dalila Kayros in pare cun su musitzista eletrònicu Danilo Casti. In su palcu finamentas sas dantzadoras tribal fusion Kogas (Ileana Sanna e Marta Pipia) e Francesca Cara e su dj set de Revenant e Venefica.