Poesia e contos, in Terranoa su segundu prèmiu Bonfanti

Publicadu su bandu de sa segunda editzione de su prèmiu Bonfanti de poesia e de contos in sardu e in limbas de Sardigna. Tres sas setziones, comente leghimus in s’artìculu 9:

Setzione A - Poesia in limba sarda, aligheresu, italianu o in sas variedades alloglotas reconnotas dae sa L.R. 22, 2018. Cada cuncurrente podet imbiare una poesia in versos lìberos o rimados chi apet comente tema Traballu e Tzitadinàntzia. Sa poesia non devet superare sos 40 versos e devet èssere acumpanzada dae sa tradutzione in limba italiana.

Setzione B - Prosa in limba sarda o in sas variedades alloglotas reconnotas dae sa lege R. 22, 2018. Cada cuncurrente podet ispedire unu contu chi apat comente tema Traballu e Tzitadinàntzia e chi non superet sas tres cartellas A4 caratere 12. Su contu devet essere acumpanzadu dae sa tradutzione italiana.

Setz C - Universitarios - Podent cuncùrrere cun una poesia o unu contu, sos giovanos universitarios cale si siat materia. Pro issos balent sos matessi criterios e modalidades già inditados in su bandu.

Sos traballos devent lòmpere a sa segreteria de su prèmiu a s’indiritzu de posta eletrònica premiobonfanti.fnpcislsardegna@gmail.com; intro de su 25 de austu 2024. Sa premiatzione in Terranoa in sos primos de santugaine. Organizat su sindacadu pensionados de sa Cisl.